Məxfilik siyasəti “BB COMPANY” MMC

Ümumi müddəalar
Bu məxfilik siyasəti “BB COMPANY” MMC-nin (bundan sonra — “Şirkət” adlandırılacaq) fəaliyyəti üzrə xidmətlərin təqdim edilməsi üçün hazırladığı platformanın (bundan sonra — “Platforma” adlandırılacaq, buraya internet mağaza, veb-sayt və mobil tətbiqlər də daxildir) istifadəçilərinin və ziyarətçilərinin fərdi məlumatlarının toplanılmasını, istifadə edilməsini, saxlanılmasını və qorunmasını tənzimləyir.

Bu Məxfilik siyasəti Azərbaycan Respublikasının “Fərdi məlumatlar haqqında” Qanununa və digər müvafiq normativ hüquqi aktlara əsasən hazırlanmışdır. Şirkət Platforma və internet səhifəsi vasitəsilə toplanan fərdi məlumatların qanunvericiliyə uyğun işlənməsinə görə məsuliyyət daşıyır.

Fərdi məlumatların işlənməsinin məqsədi
Şirkət fərdi məlumatları yalnız xidmətlərin təqdim edilməsi, müqavilə öhdəliklərinin icrası, istifadəçi təcrübəsinin yaxşılaşdırılması və qanunvericiliklə nəzərdə tutulmuş digər məqsədlərlə toplayır və istifadə edir.

Fərdi məlumatların toplanması
Fərdi məlumatlar birbaşa istifadəçidən, istifadəçinin razılığı ilə və ya qanunvericilikdə nəzərdə tutulmuş digər hallarda toplanır.

Əsas anlayışlar

• Fərdi məlumatlar – şəxsiyyətin birbaşa və ya dolayı yolla müəyyən edilməsinə imkan verən istənilən məlumat.

• Fərdi məlumatların subyekti – barəsində fərdi məlumatlar toplanılan və işlənilən fiziki şəxs.

• Əməliyyat – Platforma üzərindən xidmətlərin göstərilməsi üçün tərəflərin sorğusu üzrə icranın həyata keçirilməsi.

• Partnyor – Platforma vasitəsilə xidmət təqdim edən təchizatçı tərəf.

• Sahibkarlıq subyekti – Platforma vasitəsilə fəaliyyətini avtomatlaşdıran hüquqi və ya fiziki şəxs.

• Son istifadəçi – Platformada qeydiyyatdan keçmədən ödəniş və digər əməliyyatlar həyata keçirən şəxs.

• Operator – Platformada əməliyyatları tərəflərin adından həyata keçirən şəxs.

Toplanan məlumat növləri

• Ad, soyad, ata adı

• Doğum tarixi

• Şəxsiyyət vəsiqəsi seriya və nömrəsi, FİN kodu

• Əlaqə məlumatları (telefon, e-poçt)

• Ödəniş əməliyyatları zamanı kart sahibinin adı, soyadı və şifrələnmiş PAN kodu

• IP ünvanı, cihaz məlumatları, brauzer növü

• Cookies və digər oxşar texnologiyalar vasitəsilə toplanan məlumatlar

Cookies və oxşar texnologiyalar
Platforma istifadəçilərin təcrübəsini yaxşılaşdırmaq, xidmətlərin funksionallığını təmin etmək və analitika aparmaq məqsədilə cookies və bənzər texnologiyalardan istifadə edə bilər. İstifadəçilər brauzer parametrlərində cookies-i bloklaya bilərlər, lakin bu halda Platformanın bəzi funksiyaları məhdudlaşa bilər.

Fərdi məlumatların saxlanılması və mühafizəsi
Fərdi məlumatlar qanunvericiliyə uyğun şəkildə qorunur və toplanma məqsədlərinə nail olunması üçün lazım olan müddət ərzində, lakin ən azı 5 il müddətində saxlanılır. Məlumatların təhlükəsizliyi üçün texniki və inzibati tədbirlər tətbiq olunur.

Fərdi məlumatların ötürülməsi
Fərdi məlumatlar xidmətlərin göstərilməsi məqsədilə, istifadəçi ilə razılaşdırılmaqla, partnyorlara ötürülə bilər. Həmçinin, texniki dəstək və analitika (məsələn, Google Analytics) xidmətləri çərçivəsində məlumatların Azərbaycan Respublikasından kənara ötürülməsi mümkündür. Bu halda ötürmə yalnız qanunvericilik tələblərinə uyğun olaraq həyata keçirilir.

Fərdi məlumatların silinməsi və müraciət qaydası
Fərdi məlumatların subyekti aşağıdakı hüquqlara malikdir:

• Məlumatlarının toplanmasına icazə verməmək

• Artıq toplanmış məlumatların silinməsini tələb etmək

• Məlumatların işlənməsi ilə bağlı ətraflı məlumat almaq
  Silinmə tələbləri yazılı şəkildə və ya salam@jeyran.az elektron ünvanına göndərilməlidir. Şirkət müraciətləri qanunvericiliklə müəyyən edilmiş müddətdə (ən geci 30 gün ərzində) cavablandırır.

Məxfilik siyasətinin yenilənməsi
Şirkət bu siyasəti mütəmadi olaraq yeniləyə bilər. Dəyişikliklər barədə istifadəçilərə Platforma vasitəsilə bildiriş göndərilir. Yenilənmiş sənədin qüvvəyə minmə tarixi sənədin əvvəlində göstərilir.

Əlaqə məlumatları
Fərdi məlumatların qorunması ilə bağlı Şirkətə müraciət:
📧 salam@jeyran.az
📞  +994 50 571 27 78

Azərbaycan Respublikasının Mərkəzi Bankına müraciət üçün:
📞 (+994 12) 966 (Qaynar xətt), (+994 12) 493 50 58